خالد يوسف
طالب الفنان المصري أحمد العوضي، الجماهير والمحبين له وزوجته الفنانة ياسمين عبدالعزيز، بالدعاء لها، حيث خضعت لجراحة أمس السبت، وتطورت حالتها إلى الخطورة.
وكتب العوضي عبر حسابه الرسمي على “فيسبوك” أثناء إجراء ياسمين للجراحة، قائلا: “الرجاء الدعاء بظهر الغيب لزوجتي وحييبتي ياسمين.. هي في العمليات ومحتاجة دعواتكم، اللهم إنك أنت الشافي المعافي بقدرتك على كل شيء.. اللهم ارفع عنها البلاء والوباء واشفيها وعافيها”.
وعاد العوضي، وكتب عبر حسابه: “يمكن ببان قدامكم دايما قوي.. لكن الحقيقه انا دلوقتي أضعف إنسان على وجه الأرض، عشان انا روحي مش معايا، انا ضعيف جدا من غيرك، انتي لازم تبقي كويسه ولازم تقومي بالسلامة، انا لأول مرة اكتب من غير ما أكون مفكر انا بكتب إيه، وهاكتب ايه، بس انتي هتقومي ان شاء الله بإذن الله، عشان انتي وعداني وعد وهتتفذيه، انا عاوزك تبقي كويسة وتقومي عشان اقولك اني لو كنت ببينلك اني بحبك مرة، فالحقيقي واللي جوايا اني بحبك الف مرة، وانا دلوقتي مش قوي زي ما انتي بتشوفيني، انا دلوقتي ضعيف ضعيف جدا.. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك، قومي عشان انا بحبك، بحبك اكتر بكتيير من كل الكلام اللي انا كتبته، اكتر بكتير من كل اللي عدينا بيه مع بعض من ايام حلوة ومواقف صعبة مرت علينا، اكتر بكتير حتي من الموقف اللي احنا فيه دلوقتي، انا بحبك.
ادعولها تقوم بالسلامة زي ما انتو دايما بتدعولها بالنجاح والتوفيق، هي دلوقتي محتاجه دعواتكم”.
في سياق متصل، طالب الفنان وائل عبد العزيز، الجمهور بالدعاء لشقيقته ياسمين عبدالعزيز، مؤكدا أن حالتها الصحية خطرة.
وكتب عبد العزيز، منشورا عبر حسابه الرسمي على “فيسبوك” قائلا: “صباح الخير.. أنا كل الي هقدر اقوله دلوقتي ادعوا لياسمين حالتها خطرة”.
وانهالت منشورات الفنانين والجمهور، بالدعاء للفنانة ياسمين عبدالعزيز بالشفاء العاجل، والعودة لزوجها وحياتها بشكل طبيعي.
