خالد يوسف
تصدر الفنان تامر حسني، حديث مواقع التواصل الاجتماعي ومحركات البحث المختلفة، خلال الساعات الماضية، بعد تصريحاته التليفزيونية في برنامج “الحكاية” مع عمرو أديب خلال الساعات الماضية، وتحدث خلالها عن ظروفه الصعبة ومقاومته في بداياته الفنية، خاصة مقولة “فضلت سنين مش لاقي آكل”.
وأكد تامر حسني في تصريحاته، أنه يطالب الشباب بعدم الاستسلام نهائيا لأي ظرف، وتغيير الواقع بأي طريقة مهما كان صعبا، قائلا: “لو مش عاجبك مكانك في الدنيا غيره، لأنك مش ممكن تكون تمثال أو شجرة، وينفع تروح كده وكده وينفع تعافر والكلام ده حقيقي، وأنا شخصيا مريت بده والحمد لله ربنا كرمني وبقيت بحقق في أحلامي.. أحيانا كنت بسمع كلام مهين.. وكنت بقول ماشي.. لأني كنت بتذل لحلمي ومعنديش مشكلة المهم أوصل وهوصل يعني هوصل، وده كان اللي في دماغي”.
وتابع تامر حسني في تصريحاته إنه لديه إحساس كبير بالشباب، قائلا: “أنا حاسس بالشباب جدا وأنا ومن فترة كان عندي الظروف كلها ومكانش معايا فلوس وكان عندي مشاكل أسرية ومش عارف أروح.. وعدت عليا سنين كنت مش لاقي آكل”.
