Dana Wahiba
كشفت الفنانة جومانة مراد عن دخولها عالم الغناء، من خلال أغنية تقدمها برفقة فنانين لهما تجارب سابقة.
وقالت جومانة خلال لقاء لها ضمن برنامج ذا انسايدر بالعربي: “غنيت وخلصت والاوديو صار جاهز ورح صور الفيديو كليب قريباً”.
وكشفت سبب دخولها لهذا المجال، قائلة: “يمكن هلق صرت فكر أنو أي شي بحبو بدي أعملو.. هلق أنا مش أصالة أكيد.. وأكيد مش عم غني طرب.. هو أداء”.
وعن كيفية موافقتها على الأمر، قالت جومانة: “صار الموضوع فجأة.. كان في شركة عم تنتج فيلم وكان لها إنتاجات غنائية سابقة.. عرضوا عليي الفيلم فرفضتوا.. قلتلن بدي غني.. قالولي تعي بكرا عالاستديو سجلي.. وفعلاً رحت وسجلت”.
وأضافت جومانة عن سبب حماسها للغناء: “أنا كنت بمود مش حلو وظروف مش مظبوطة بحياتي.. ولما الواحد بكون هيك.. كنت حاسة حالي بالهوا.. وكان الحمدلله عم يجيني شغل كتير.. ف تعبت من ضغط الشغل.. لما رحت وغنيت استمتعت.. وحتى هنن اتفاجئوا أني بعرف غني”.
وتابعت: “أنا مش دارسة غناء ولا موسيقى.. بس ما عدت كتير بالاستديو يعني في اشيا كررتها وفي اشيا زبطت بسرعة.. لأنو هو أداء مش غني”.
وأضافت: “بس خلصت سمعت الأوديو للقريبين مني اتفاجئو أنو هي انا اللي عم غني”..
وفي الحديث عن تفاصيل تحضيرها للأغنية، قالت جومانة: “في حدا هلق عم يشفلنا القصة تبع الفيديو كليب، والفنانين المشاركين معي هم فنانين موهوبين وأصواتهم جميلة” رافضةً التصريح عن أسمائهم لتبقى مفاجأة.
وتمنت جومانة أن تنال الأغنية إعجاب الجمهور وأن “يستمتعوا بها، وأن يحكموا عليها كما يريدون، ويشعرون بها”..
وأضافت: “ما بدي حدا يقلي هلق جاية تغني.. ورح تتهاجمي.. أنا بعرف أني مش مغنية.. بس أنا عملت اللي حبيتو وحسيتو حلو”.
كما أكدت أنها لم توصل من خلال الأغنية الحالة السيئة التي كانت تمر بها، حيث قالت: “أنا لما بمر بظروف بشعة بهرب لفني.. لأنو الحزن بجيب حزن.. لا تبقو حزنانين على شي لأنو الوقت كفيل ينهي كل شي”.
