Dana Wahiba
أعلنت الفنانة المصرية زيزي عادل اعتزالها الحياة الفنية والغنائية وذلك خلال مقطع مقصور نشرته الفنانة المعتزلة عبر حساباتها الرسمية على منصات التواصل الإجتماعي.
وقالت لمتابعيها خلال المقطع المصور “أنا طالعة النهاردة في الفيديو أقول خبر مهم جدا أخذته في حياتي، يمكن الخبر ده يكون أهم خبر و قرار في حياتي، هو قرار الاعتزال، أنا قررت أسيب المهنة اللي أنا بشتغلها”.
وأضافت “القرار ده يمكن ما اخدتش امبارح بس، لكن أخذته من فترة كبيرة، أنا مطلعتش اقولكم الخبر ده من فترة، كنت حابة أتكلم مع نفسي ومع الناس القريبة والناس دي دعمتني جدا لما قولتلهم، وشجعوني، أنا ببعد عن أكتر حاجة من أكتر من المغريات في الدنيا، اللي هي الشهرة والأضواء، الفترة اللي فاتت دي أنا قربت من ربنا جدا، ولقيت القرآن بيقولي إني لازم أكون ملتزمة وإن لازم أكون على قد ما أقدر ملتزمة، ويمكن تكونوا مستغربين، إني طالعة بشعري ومش محجبة، أنا طالعة بشعري لأن ربنا لسه ما أنعمش عليه بخطوة الحجاب، وبدعي ربنا إني ألبس الحجاب، وكل حاجة بتيجي خطوة خطوة، مفيش حاجة بتيجي مرة واحدة، فأنا خدت خطوة وإن شاء الله تيجي الخطوة اللي بعدها”.
زيزي عادل تبلغ من العمر 35 عاماً من مواليد 26 اكتوبر 1987، ولدت في دولة الكويت و لديها 3 شقيقات، تخرجت المعهد الموسيقى العربية، لحنت لنفسها أغنية في لحظة صراحة وهي في سن الخامسة عشرة وحصلت بالاغنية على ثلاثة جوائز في مهرجان البحر المتوسط، وشاركت فى برنامج “ستوديو الفن” وحصدت المركز السادس، وبعام 2004 شاركت فى “ستار اكاديمي” النسخة الثانية، وحصدت المركز الثالث بعد السعودي هشام عبد الرحمن، والتونسية أماني السويسي،
انضمت إلى شركة روتانا للصوتيات والمرئيات، وأصدرت أول البوماتها بعنوان”واحدة طيبة”، وبعام 2009 أصدرت ألبومها الثاني “وعد علي”، لتغيب عن الساحة الغنائية لمدة 7 سنوات لظروف مرض والدها ووفاته، وبعام 2015 تعود مجدداً إلى الساحة الغنائية بألبوم “انا أنثي”، قدمت خلاله 9 أغان صورتها بطريقة الفيديو كليب.
