Dana Wahiba
كتبت الفنانة شكران مرتجى منشور بمناسبة ذكرى عيد ميلاد والدتها التي فارقت الحياة من أشهر قليلة، وطلبت من جميع متابعيها أن يدعوا لها بالرحمة قائلة: “أمي عذبة كماء سيدة الصبر أم عيون خضر ربتني أحترم الصغير قبل الكبير حطت حب بقلبي للناس كتار بيستغربوه بس لأنها هي هيك علمتني عالعطاء لأنه فيه سعاده علمتني إنه العمل عبادة علمتني مازعل حدا مشان أقدر نام علمتني عالكرم بالمشاعر أهم مليون مره من الكرم بالمصاري علمتني أنه الأمومه مو بس نجيب ولاد لأ أنه نعرف نربيهم علمتني ماكذب قول كل شي لوكان رح يسببلي الأذى بس كون حقيقيه لأنه بالخفا عدوي رح يحترمني ،علمتني كون مع الناس بالشده أكتر من الفرح … شو بدي أحكي لأحكي.
كما أعربت عن اشتياقها الكبير لها حتى أنها لا تستطيع النوم من شدة ذلك مضيفة: “بدي قلك ياماما انا ماعم اقدر نام من شوقي الك بدي قلك كتار خذلوني وماطبطبوا ع قلبي وماتوا معك بدي قلك انا وأخواتي كل وحده بتكذب عالتانيه وبتقلها منيحه وهي الحزن كاسرها كسر بدي قلك ابعتيلي صبر من عندك ابعتيلي قوه لأقدر كمل لأني حاسه بالعجز انا ضعيفه لك طلعتي أنتي كل شي قوتي وضحكتي وفرحي كلهم راحو معك، الله يخلي أمهاتكم انتبهوا عليهم …وإنا لله وإنا إليه راجعون قدر الله وما شاء فعل”.
واختتمت المنشور متوجهة بالشكر لكل شخص وقف معها بمحنتها من باب المحبة وليس من باب الواجب “شكراً لناس ماتركتني من محبتها مو واجب ومسج ويلا عملت اللي عليي 😶 بيعرفوا حالهم انشالله ما بتنضاموا 🙏🏻🤍”.
