فيليب الأسمر: أنا ومحمد الأحمد منشبه بعض بالفكر

تحدث كلاً من الفنان السوري محمد الأحمد والمخرج اللبناني فيليب أسمر عن علاقتهما ببعضهما وذلك خلال لقاء جمعهما عبر برنامج ذا انسايدر بالعربي.

إذ قال فيليب أسمر: “أنا ومحمد منشبه بعض كتير بالفكر.. شوي غريبين ما منشبه العالم كتير.. وهاد الشي بيجمعنا.. لأنو عنا عالمنا الخاص.. مو كل العالم بتفهمو.. بس القراب بيعرفوه”.

وأضاف أسمر: “الانسجام بيناتنا موجود وواضح.. بالنهاية كان إلنا سنتين مع بعض.. فأكيد تاني سنة بتفرق عن الأولى.. بالأول كنا غريبين عن بعض بس بعد هيك تخاوينا وهالشي كان لصالح العمل”.

وعن عدم تسلمه جائزة الموريكس دور قال فيليب: “8 جوائز حصل عليها العمل.. بعتبر حالي كأنو أنا استلمتها.. وللصراحة إلي 8 سنين باخد موريكس.. كنت بتمنى أني آخد التاسعة.. بس بالنسبة الي اللي اخدتون كافيين.. وكوني كنت قائد العمل بعتبر حالي الربحان” وبارك للمخرج إيلي سمعان الذي نال جائزة الموريكس دور عن فئة أفضل مخرج درامي للعام عن مسلسل “شتي يا بيروت”.

أما الفنان محمد الأحمد عن فيليب أسمر قال: “هلق هو دماغو مجنون.. وأنا عندي مدرسة خاصة فيي تربيت عليها.. باللحظة بيخلق مشهد حلو.. يعني ما منحتاج لنحضر قبل المشهد.. كما نشعر نفعل”.

يشار إلى أن الفنان السوري محمد الأحمد حصل على الموريكس دور لعام 2022 عن فئة أفضل ممثل عربي عن مسلسل “للموت2″ و”عروس بيروت 3”.